تفصیلات کے مطابق پٹرولیم مصنوعات کی قیمتوں میں ردو بدل کا امکان ہے، اوگرا نے قیمتوں میں ردو بدول کی سمری پٹرولیم ڈویژن کو بھیج دی۔
پٹرول ایک روپے 71 پیسے فی لٹر مہنگا ہونے کا امکان ہے، مٹی کے تیل کی قیمت میں 35 پیسے فی لٹر اضافہ کی تجویز ہے، لائٹ ڈیزل 24 پیسے فی لٹر مہنگا کرنے کا امکان ہے۔

ہائی سپیڈ ڈیزل 2.27 روپے فی لٹر سستا کرنے کی تجویز ہے، پٹرولیم مصنوعات کی قیمتوں میں ردو بدول کا حتمی فیصلہ وزیراعظم کریں گے، وزارت خزانہ وزیراعظم عمران خان کی منظوری کے بعد نئی قیمتوں کا اعلان کرے گا۔

یاد رہے کہ 15 جولائی 2021ء کو پاکستان تحریک انصاف (پی ٹی آئی) کی وفاقی حکومت نے عوام کو عید کا تحفہ دیتے ہوئے پٹرول کی قیمت میں 5 روپے 40 پیسے فی لٹر اضافہ کر دیا تھا۔

30 جون 2021ء کو حکومت نے بجٹ کی منظوری کے بعد پٹرولیم مصنوعات کی قیمتوں میں ایک مرتبہ پھر اضافے کر دیا تھا۔

وزیراعظم کے معاون خصوصی ڈاکٹر شہباز گل نے سماجی رابطے کی ویب سائٹ ٹویٹر پر جاری کردہ بیان کے مطابق انٹرنیشنل مارکیٹ میں قیمتوں میں اضافے کی وجہ سے اوگرا نے 6 روپے 5 پیسے فی لیٹر پیٹرول کی قیمت میں اضافہ تجویز کیا تھا لیکن وزیراعظم نے صرف 2 روپے فی لیٹر اضافے کی اجازت دی ہے۔ اوگرا کی طرف سے ڈیزل فی لیٹر3 روپے 44پیسے اضافے کی تجویز دی گئی تھی لیکن صرف ایک روپے 44 پیسے اضافے کی اجازت دی گئی ہے۔