آرمی چیف جنرل قمر جاوید باجوہ نے امیر قطر شیخ تمیم بن حماد الثانی سے ملاقات کی ہے جس میں باہمی دلچسپی کے امور، دفاع اور سکیورٹی میں تعاون پر بات چیت کی گئی۔
آئی ایس پی آر کے مطابق آرمی چیف جنرل قمر جاوید باجوہ دو روزہ دورے پر قطر پہنچے جہاں انہوں نے احمد بن محمد ملٹری کالج میں پاسنگ آوٹ پریڈ دیکھی اور جنگی چیلنجز سے نمٹنے کیلئے کیڈٹس کو دی جانے والی تربیت کے معیار کو سراہا۔ آرمی چیف نے نائب وزیراعظم و وزیر دفاع لیفٹیننٹ جنرل (پائلٹ) غنیم بن شاہین سے بھی ملاقات کی۔