اسلام آباد سمیت پنجاب کے بالائی، خیبر پختونخوا، خطہ پوٹھوہار، گلگت بلتستان اور کشمیر میں مطلع جزوی ابر آلود رہنے کے ساتھ بارش، پہاڑوں پر برفباری کا امکان ہے۔
لاہور: محکمہ موسمیات نے پیشگوئی کی ہے کہ اسلام آباد سمیت پنجاب کے بالائی، خیبر پختونخوا، خطہ پوٹھوہار، گلگت بلتستان اور کشمیر میں مطلع جزوی ابر آلود رہنے کے ساتھ بارش، پہاڑوں پر برفباری کا امکان ہے۔
محکمہ موسمیات کے مطابق آئندہ 24گھنٹوں کے دوران ان علاقوں میں شام اور رات کے اوقات میں بارش اور پہاڑوں پر برفباری کا امکان ہے۔ پنجاب کے میدانی علاقوں اور بالائی سندھ میں دھند چھائے رہنے جبکہ ملک کے دیگر علاقوں میں موسم سرد اور خشک جبکہ شمالی بلوچستان میں شدید سرد رہنے کا امکان ہے۔