حکومت نے چین کو ایک ارب 30 کروڑ ڈالر کی ری فنانسنگ کا عمل جلد مکمل کرنے کی باضابطہ درخواست کر دی۔
ذرائع کے مطابق پاکستانی حکام کی چینی حکام کے ساتھ ری فنانسنگ کے عمل کو جلد از جلد مکمل کرنے کیلئے بات چیت جاری ہے، شرائط و ضوابط جلد فائنل ہونے پر یہ رقم رواں ماہ کے دوران ہی دوبارہ موصول ہو جائے گی۔
وزارت خزانہ کے ذرائع کے مطابق رقم جلد موصول ہونے سے زرمبادلہ ذخائر کو سہارا ملے گا، گزشتہ ماہ جولائی میں 2.2 ارب ڈالر ادائیگیاں کی گئی جس میں 1.3 ارب ڈالر چینی کمرشل قرض اتارا گیا۔
ذرائع کے مطابق رواں مالی سال مرکزی بینک تقریبا 7 ارب ڈالر سے زائد انٹربینک مارکیٹ سے خریداری کی توقع رکھتا ہے، انٹربینک سے خریدے ڈالرز بیرونی ادائیگیوں کیلئے اور زرمبادلہ ذخائر کو بہتر بنانے کیلئے استعمال ہوں گے۔